قصيدة بمعنى الكلمة

السلام عليكم ورحمة الله وبركاته
الصراحه ذي القصيده وصلتني ع الايميل ..
وهي خبــــــال بمعنى الكلمـه ..
.....
بحاول أوصف احساسي تجاهك وانثر الامطار
بحاول بس يا( ...... ) شعوري صعب تفسيره !
انا من يومني بنت(ن) صغيره والقلوب كبار
بلاني ربي بحبك , وعشت بعالم الحيره
أنا من يومني طفله وانا لي بالهوى تذكار
عشقتك من صغر سني , يا زين الوصف والسيره
صحيح اني صغيره حيل , ومن حولي بنات صغار
صحيح همومنا لعبه , وكل أحلامنا صغيره
طموح البنت في عمري , عروسه ولعبة استشوار
وانا كل اهتماماتي , عيونك ياضيا الديره
في مدرستي عجزت أفهم دروسي والبلا أفكار
أفكر فيك يا خلي .. وزاد الشوق تفكيره
أنا ما همني درسي .. ولا هموني الشطار
تجاهلت الفصل كله .. عباراته .. طباشيره
كتبت اسمك على هاك الدفاتر يالغلا تكرار
رسمت قلوب ورديه , سكنها انت , من غيره ؟
الا ياليتني بنت(ن) , تعرف تنظم الاشعار
يمين الله لأكتب لك قصايد تفضح الغيره
كبرت اليوم يا (......) وزاد بقلبي الاصرار
على حبك , وحب اللي يحبك فاق تعبيره !
جذبت عيوني الثنتين , الا يا ملفت الانظار
سكنت حدود نبضاتي , بدون اجراء تأشيره
فداك اللي تبي آمر , تمنّى يالغلا واختار
لو انك تطلب عيوني , لأقول ان العمى خيره !
جميع اللي تبي حاصل , حشى ما أنطق الاعذار
ولو يتعذر قليبي , حشى مااقبل معاذيره
تأشرّ باصبعك للشيء , تلقى مطلبك قد صار
فخوره لو أجيبه لك يا سيد القلب يا ميره
تبعثرني هموم البعد , وتبحر بي كما البحار
غزاني موج بُعد الخل , ولا وضح لي تبريره
متى ألقى مراسي اليم , وتلطف فيني الاقدار
الا يا بختي بشوفه , الا ياليتنا جيره !
انا من لامني بحبك , عساه لقصرة الاعمار
تلوموني على شخص(ن) , حلاه احلى من الشيره ؟
قالوا لي تحبينه ؟ وقلت ان الحروف كثار
أحبه واعشقه واهواه , ولا أرضى بتغييره
شجاعه , بس لا شفتك , كياني يا بعدي ينهار
قويه , لكن قبالك , شعوري صعب تظهيره
عيونك يا بعد كلي , تهز الفارس المغوار
شموخك مفخره للعز , يذكرني بأساطيره !
الى مني تباطيتك , تولّع في حشاي النار
تزوّد جرعة الاحزان , تزيد القلب تخديره !
واذا يا عيني لاقيتك , يثور بداخلي اعصار
أطير بعالم الفرحه , تقيّدني اساويره
لو انك تدري بحبك , كم له داخلي مقدار
يطير العقل يا خلي , كأنك شارب(ن) بيره !!

.......
والسموحه وان شاء الله نالت اعجابكمـ ..

[center][b]

قصيد جداا رئعه
وصفت احساس كل بنت حبت
وعاشت على انتضار حبيبها
يسلموااا ولد زايد
في انتظار جديدك ياغالي

memo_9

يشرفني مروورج ونسلمين

مع تحيات اخوكم ولد زاريد

رووووووووووعه ماطرحت ياجدع

وبإنتظار جديدك

واااااااااو
ماقول غير يابخت الى تحبوا
البنت الى كتبت الكلام ده
يستاااااااااهل
مين قدواا
الله يعطيك العافيه ولد زايد
ولا تحرمنا من جديدك

D:LOVe_______

{كلمات قمهـ بالروعه والابداع...

واحساس فاق الوصف....

يعطيك العافيه لاعدمناكـ حوبي..~

..)~