يوم كئيب جدا

اليوم كان كئيب جدا وما بعرف ليش حسيت الدنيا مسكرة

فجأة العالم ضدي وماحدا بدو يسمعني

حسيت الدنيا وقفت وهي النهاية اجا وقتها

الغربة خربت فيني شغلات كتييييييييييييير وخلتني افقد كتير

اول شي فقدت الامل وكل يوم عم افقد حدا من يللي حواليي

غريبة عشت بعيدة عن اهلي وبلدي والظاهر اني حضل بالغربة ومالي راجعة

اشتقت للشام ولاهل الشام وللعيلة كلها ماحدا حسن يغير نظرتي للعالم الا اهلي بس هلأ هنن وين وانا وين؟؟

الليل عم يسود والدنيا عم تصغر ومافي حدا حواليي

كل العالم اليوم وقفت ضدي لكلمة انا قلتها وما كان قصدي فيها الا العتب

وللأسف ما حدا رضي يسمعني ولا يفهم قصدي

اختلاف اللهجات عم يسببلي مشاكل كتير ومالي قدها وما عم تنحل معي ابدا

شو الحل ما بعرف بس كنت مدااااااااااااااااااااااايقة كتير واكتر يوم بحس حالي غريبة ومالي مكان بالدنيا