العواف عليكم معلش اتاخرت النهاردة اصل كان عندنا عزومة وناس كتير وكانت الدنيا كاننا فى سباق خيل المهم مش هطول عليكم الاول احب اقولكم ان الجو هنا يجنن تلج ومطر واو الجو يخلى الواحد ميقمش من السرير
علشان كدا قضتها نووووووم ومش رحت الكورس النهاردة وصحيت بعد الضهر كدا ولاول مرة فى حياتى مش اسمع صوت ولا دوشة انا لو اعرف كدا كنت اصحى متاخر علطول العيال نايمين مهم كدا اول ما يصحوا يعملوا دوشة ويلعبوا لغاية لما يتعبوا يناموا بس بينى وبينك وحشونى ولاد الاية دول اتعودت على دوشتهم اهو بقا هنعمل اية يوم من غير دوشة مش هيحصل حاجة طبعا قومت وفطرت وشربت شاى وقولت بقا النهاردة طالما مشش سافرت اروح لاصحابى اقعد معاهم وكدا اتصلت على الاول موبايلوة مقفول والتانى برضة مقفول والتالت والرابع ...................... كل صحابى موبايلهم مقفول قولت غريبة هوة فى اية قولت معلش انزل اتمشى لوحدى فى الجو الذيذ دة لبست طبعا وحطيت كالونية وظبت شعرى وجيل وحركات وبعدين نزلت الشارع وروحت اقعد على البحر فى الكافيتيرا وطلبت شاى وقاعد ومستريح وكل حاجة تمام شوية والاقى واحد من صحابى نازل جرى على قسم الشرطة انا قولت عادى تلاقية بيطلع بطاقة والتانى بعدية بشوية وراة جرى قولت لا بقا اكيد فى حاجة روحت وراهم اتارى صحابى كانوا متخانقين النهاردة والبوليس قبض عليهم وحكاية سودة
طبعا انا باخلاق ولاد البلد عملت نفسى ولا اعرفهم فى ثانية واديت ضهرى ليهم وروحت كملت قعدتى على الكافيتيرا حد يقولى دى حركة ندالة اقولة انا يا عم دة يوم واخدة اجازة ونازل استجم عايزنى اقضية فى السجن دة لو ابويا كنت هبيعوة برضة المهم خلصت القعدة وطلعت قعدت فى سيبر عند واحد اعرفوة لعبت شوية بلاى استيشن وطبعا خلصت فلوسى على Play station 2 اصل اخوكم عيل بشوف الالعاب بضعف واجرى عليهم المهم روحت البيت اتفاجات ناس موووووووووووووووووووووت كتيرررررررر اول مرة اشوفهم بسال ماما تقولى بابا عازم صحابوة فى الشغل واهلم على الغدا قولت يا صلاة النبى وادى اليوم الاجازة هنخلص من دوشة العيال هتيجى دوشة الكبار قصروة دخلت سلمت ورحبت بالضيوف والكلام الفاضى دة وبعدين دخلت احل واجب الانجليزى بقا واراجع على الكمبيوتر وكدا افتح الكتاب من هنا وكانى بقرا روسى كلام غريب والقواعد تعقد بينى وبينكم فكرت اسيب الانجليزى واخد فرنسى علشان لما اسافر فرنسا اعرف اتفسح براحتى ما علينا خلصت الواجب وفتحت الكمبيوتر علشان العب شوية سمعت ماما بتندة كماتشو تعالى وصل خالتك لبيتها
قولت كملت وخالتى دى رغاى رغى بتصدعنى المهم عملت نفسى نايم ومش رديت مهو الندالة فى دمى المهم من كتر اندماجى فى الدور والشخصية نمت بجد ولقيت نفسى صاحى الساعة 3 الفجر والدنيا ضلمة والجو زى افلام اتلرعب قمت رايح على جارنا هنا واد عثل كدا بيلعب كورة زى الفل رحت انا وهوة نلعب كورة فى الشارع ومفيش غيرنا والشارع فاضى والكلاب بتجرى ورانا والدنيا زى الفل المهم تعبنا من اللعب والضحك نزلنا على البحر قولنا نصطاد فى الفجر كدا وطبعا انا مفهم الواد انى سابح ماهر اعبر المحيط فى ثوانى وهوة ميعرفش انى لو استحميت اكتر من ربع ساعة ممكن اغرق المهم رحنا قعدنا نصطاد ومرة واحدة الواد قام قالى يالى ننزل المية دلوقتى طبعا انا صوت قولتلوة نعم قالى اه يالا نعوم فى الجو دة طبعا انا لو هاخد مليون جنية مش هنزل المية قولتلة معلش اصل عندى شد عضلى وتمزق فى الكبد واتحججت وكدا المهم هوة نزل المية لوحدة وفضل يعوم وفرحان بشبابوة لغاية لما قنديل قرصوة وقعد يصوت وطلع من المية وهوة بيصوت من القرصة طبعا انا كنت هطير من الفرح اصل الواد كان بيغطنى عمال يعوم كانوة قرموط وانا قاعد زى خيبتها على الشط المهم خدتوة المستشفى وبقا كلوة تمام روحت البيت قبل صلاة الجمعة روحت صليت والشيخ النهاردة اتوصى بيا اوى الخطبة كانت ساعتين وانا خلاص هموت عايز انام خلصت الصلاة وجيت اتفرجت على التليفزيون وادينى اهو دخلت اقولكم حصل اية هقوم انام انا بقا وياريت لما اصحى الاقى حد عامل اكل علشان انا هموت من الجوع ومكسل اعمل يالا سلام بقا واشوفكم بكرة باااااااااااااااااااااايات
