[b]يوميات شاب 1[/b]

اول حاجة احب الفت نظركم ليها انى مش اديب يعنى بس بحاول اكتب يومياتى باسلوب ادبى يعنى من الاخر الى يشوف غلطة كدا ولا كدا نحوية صرفية ميعيبيش
نبدا بقا ونقول ( دة اول يوم ليا معاكم ومن النهاردة هبدا احكيلكم على حاجت فى حياتى وهدخلكم جواها وبصراحة انا مش عارف ابدا اقول اية اقولكم نبدا من اول ما صحيت وطبعا صحيت كالعادة على صوت دوشة الاطفال والعيال يقطع العيال وخلفتهم بيعملوا دوشة كان البيت فية مليون عيل وهما تلاتة بس منهم واحد لسة مش بيتكلم بس دة اكتر واحد شقى فيهم المهم مش هطول عليكم دول يبقوا بقا ولاد اخواتى مهو اصل انا الصغنون فى اخواتى وانا يعتبر اعيل منهم بقعد العب معاهم واتخانق معاهم كانى اصغر منهم وكل يوم اصحى زى النهاردة كدا على دوشة كانى فى حرب النهاردة كانوا بيتخانقو على التليفزيون محمد عايز يتفرج على قناة mbc 3 ومحمود عايز قناة الجزيرة مثقف الواد اوى وهوة لسة فى الحضانة اما التالت بقا احمد دة اصغر واحد فيهم واشقى واحد فيهم وبجد مش عارف دة عيل بجد ولا راجل اتصخط دة بقا دماغوة متركبة شمال من يوم ما اتولد وانا احاول افهموة انوة لما يعوز يعمل حمام يروح الحمام ودة راسوة والف سيف ان قوضتى هيا الحمام وكل يوم يصحى من النوم وييجى جرى على قوضتى يفتح الباب ويعمل حمام فى القوضة تخيلوا بقا كل يوم بصحا على كدا بس بينى وبينكم انا بموت فى الاطفال بالذات لما يكون الواد شقى كدا ويفتح النفس انك تلعب معاة
المهم ما علينا صحينا ودخلت غسلت وخدت شور اصل محسوبكم نضيف شوية احم احم وغصلت سنانى ولبست وبدانا مشوار عذاب كل يوم هروح الجامعة الامريكية فى القاهرة علشان باخد هناك كورسات لغة انجليزية وكمبيوتر مهو انا مثقف زى الواد محمود هوة طالعلى هع
المهم لبست وخرجت واستنى العربية وعبال لما اوصل القاهرة واروح التحرير والزحمة بكون خلاص اول واحد هشوف وشوة هولع فية بس اول ما اوصل الجامعة المود دة بيتغير خااااااااااااااااااااااااااالص نهائيا وبصراحة مش هعرف اوصف الواحد بيشوف اية هناك الحاجات دى مش بتتوصف دى بتتشاف المهم انا ماليش دعوة انا رايح دار علم اطلب العلم ماليش دعوة باى حاجة تانية بس الى مش بقدر انساة منظر العربيات الى هناك تعقدددددددددددددددددددد تخلى الواحد ينتحر كل واحد شايف نفسوة الى راكب عربية ماركتها اية والتانية راكبة عربية ابصر اية وانا يا اخوانا قاعد عمال اتفرج وعقلى هيطلع من راسى على المنظر وكلوة كوم وان كل يوم فى واحد سودانى معايا فى الكورس اموت واعرف باباة بيشغل اية اكيد رئيس وزراء سوريا لانوة مستحيل كل يوم ييجى بعربية شكل وكل واحدة احسن من الى قبلها ويكون انسان عادى زينا انا مش بقر ولا حاجة لا والنبى دة انا طيب والله بس هوة الهى يارب ما يوعى يوصل بيتهم قادر يا كريم بعربياتوة دى المهم كلنا بنتجمع وبنستنى التيتشر وما ادراك ما التيتشر هيا امريكية صحيح بس تحس انها من شبرا يا يالهوى عليها وهيا بتزعق فى حد ولا بتتخانق مع حد تحلف انها مستحيل ان دى اجنبية المهم ربنا ياخدها هيا كمان زى ما بتجيبلنا امتحانات تعقد
تبدا التيتشر الشرح وانا يبدا النوم يقفل عينى من هنا وكل مرة اخوكم الى هوة انا يطرد من المحاضرة علشان كدا
وانا اموت واعرف اية الى بيحصلى اول ما اخش الكورس بنام علطول كانى واخد منوم اظاهر انى طالع لاحمد ابن اخويا مش عارف احدد تقريبا الفرق بين الكلية وبين السرير واخد بعضى واروح اركب المترو وعلشان اوصف بس للناس المترو دة ازاى علشان الى ميكنش زار القاهرة يتخيل معايا كل يوم اكتر من 5 مليون مواطن بيركبوا المترو تخيلوا انتوا بقا يعنى دمار شامل واكتر من مرة اكون واقف على الرصيف يكون المترو زحمة اوى مش اكون عايز اكرب الناس تزقنى وفى ثوانى الاقى نفسى فى وسط المترو الواحد يتفرج على الافلام الاجنبى ويشوف المترو الى فية يتعقد بصراحة بحس انى راكب جمل هنا مش مترو المهم بنزل اكرب عربية واروح واول ما اوصل البيت الاقى العيال مليين الشارع دوشة حتى احمد مستنينى علشان يخش قوضتى ويعمل حمام بياخد الازن حضرتوة اموت واعرف جنابوة زعلان منى لية وبيعمل فيا كدا لية المهم بعد ما اغير واشرب الشاى والذى منوة من غدا وعشا اقعد بقا على النت مهو انا هوايتى الكمبيوتر اقعد اخرب فية وفى الاخر انا الى بصلحوة وكل مرة يحصلى حاجة يا اتكهرب يا ايدى تتكسر كلو يهون فى سبيل العلم وادينى اهو دخلت اقول الى حصلى وخلاص مش قادر عينى بتقفل وعايز اروح الكورس بكرة فايق مش عايز التيتشر تقولى اطلع برة يا كماتشو الى هوة انا وكل يوم اروح كدا انا هقوم بقا علشان اشبع من النوم واروح فايق وان شاء الله بكرة هكمل الى حصل وبجد ادعو انى اصحى بكرة على اى حاجة غير دوشة العيال
يالا تصبحوا على خير اشوفكم بكرة ............... kamatcho

ايه اليوم الحلوا ده ياكماتشو
والله حمستنى اكتب يومى
بس بجد يوم جميل اوى مع دوشة العيال
حاجة تجنن بجد

... الا كماتشو معناتوا ايه


D:LOVE_____________